Dunya News

Dunya News

اداکار جمیل فخری کے لاپتہ بیٹے علی ایاز کی موت کی تصدیق ہوگئی

اداکار جمیل فخری کے لاپتہ بیٹے علی ایاز کی موت کی تصدیق ہوگئی

لیجنڈ اداکار جمیل فخری کے امریکہ میں لاپتہ ہونے والے بیٹے علی ایاز کی موت کی تصدیق امریکہ میں پاکستانی سفارتخانے نے کردی ہے۔ جمیل فخری کا کہنا ہے کہ امریکی پولیس نے فرعونیت کا مظاہرہ کیا جبکہ پاکستانی سفارتخانہ نے بھی کوئی تعاون نہیں کیا۔ اپنی رہائش گاہ پر میڈیا سے بات چیت کرتے ہوئے اداکار جمیل فخری نے بتایا کہ پاکستانی سفیر حسین حقانی نے امریکی پولیس سے معلومات ملنے کے بعد انہیں فون پر بیٹے کے قتل کی اطلاع دی۔ ان کا کہنا تھا کہ دنیا نیوز کے پروگرام حسب حال پر معاملہ نشر ہونے کے بعد سفارتخانہ حرکت میں آیا، اس سے پہلے کوئی مدد نہیں کی گئی۔ جمیل فخری کا کہنا تھا کہ نیویارک پولیس نے فرعونیت کا مظاہرہ کیا اور سٹیلائیٹ کے ذریعے سوئی گرنے کا پتہ لگانے والے ان کے بیٹے کا پتہ نہیں لگا سکے۔ دکھی باپ نے ہاتھ جوڑ کر پاکستانی عوام سے فریاد کی کہ وہ اپنے بچوں کو روکھی سوکھی کھلا لیں لیکن انہیں باہر نہ بھیجیں۔ جوان بیٹے کی موت کی خبر سننے والے لیجنڈ اداکر جمیل فخری نے ارباب اختیار سے درخواست کی ہے کہ ان کے بیٹے میت کو پاکستان لانے کے لیے انتظامات کیے جائیں۔